Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Nga salsiçet tek djathi çedar. Receta e specave të mbushura që do t'i shtojë ngjyra tryezës suaj!
Këto speca të mbushura me salsice janë të thjeshta për t’u bërë dhe plot shije pasi kanë brenda djathë çedar, domate dhe hudhra. Një vakt plot ngjyra!
Ingredientët
- 1 filxhan oriz
- 6 speca (mundësisht me ngjyra të ndryshme)
- 1 lugë gjelle vaj ulliri
- 1 qepë e grirë imët
- 3-4 salsice mesatare
- 3 thelpi hudhra
- 2-3 domate mesatare (mundësisht të buta)
- 2 filxhanë me djathë çedar
- Kripë, piper për shije
Udhëzimet
1
Në një tigan me pak vaj, skuqni qepën dhe pas 5 minutash salsicet e prera në kubik të vegjël.
2
Shtoni domatet e prera në copa të vogla (pa lëkurë), hudhrat dhe 1 gotë ujë. I lini të marin një valë dhe më pas shtoni orizin. I përzieni mirë.
3
Shtoni kripë e piper dhe 1 filxhan djathë çedar.
4
Merrni një tavë dhe vendosni në të specat e lara mirë dhe të pastruara nga farat. Filloni e i mbushni me masën që përgatitët.
5
I fusni në furrë për gati 45-50 minuta në temperaturë 180 gradë.
6
Nga fundi i nxirrni për 5 minuta dhe i shtoni secilit spec, djathin çedar të mbetur. I fusni sërish në furrë edhe për 5 minuta të tjera. Ju bëftë mirë!
Lini një koment