Nga fiqtë tek bananet, ja 7 ushqimet aleate të gjumit cilësor!
Ka shumë strategji që mund të përdorësh për të bërë një gjumë më të mirë, duke përfshirë këtu edhe ngrënien e ushqimeve që ndihmojnë në përmirësimin e cilësisë së gjumit.
Disa nga këto ushqime janë:
Fiqtë Fiqtë përmbajnë kalium, magnez, kalcium dhe hekur. Këto minerale ndihmojnë me qarkullimin e gjakut dhe tkurrjen e muskujve, që janë elementë kyç për rënien në gjumë. Gjithashtu fiqtë përmbajnë fibra që do ju mbajnë të ngopur.
Shalqiri Gjysma e përbërjes së shalqirit është ujë, prandaj konsumimi i tij do ju hidratojë para gjumit dhe do të eliminojë urinë pas darke për shkak të volumit dhe fibrave që përmban.
Stikat Stikat kanë në përbërje proteina, vitaminë B6 dhe magnez, e të gjitha këto kontribuojnë për një gjumë më të mirë. Por nëse e teproni në ngrënien e tyre do të kenë efektin e kundërt, duke ju lënë pa gjumë.
Pjepër Meqë dehidratimi mund të ndikojë në aftësinë për të rënë dhe për të qëndruar në gjumë, ngrënia e pjeprit ashtu si dhe shalqirit ndihmon në cilësinë e gjumit. Rekomandohen gjithashtu dhe fruta si molla, portokalli dhe dardha.
Çajra bimorë Çajrat bimorë, në veçanti kamomili, janë shumë të mirë për qetësimin e nervave para gjumit. Bashkë me çajin e xhinxherit janë shumë hidratues dhe qetësues për stomakun.
Bajamet Bajamet përmbajnë triptofan dhe magnez, të cilët ndihmojnë në reduktimin natyral të funksionit të muskujve dhe nervave, duke stabilizuar rrahjet e zemrës në të njëjtën kohë.
Qershitë Mënyra më e mirë për të bërë një gjumë të mirë është duke rritur marrjen e melatoninës. Qershitë, bashkë me arrat dhe tërshërën janë një burim natyral i melatoninës. Duke u konsumuar rregullisht, këto ushqime mund t’ju ndihmojnë me rregullimin e ciklit të gjumit.
Çokollata e zezë Çokollata e zezë përmban serotoninë, që qetëson trupin dhe trurin tuaj, pa përmendur përfitimet e tjera të shëndetit.
Bananet Magnezi dhe kaliumi në banane shërbejnë si relaksues për muskujt dhe nervat. Gjithashtu vitamina B6 që gjendet në këtë frut e kthen triptofanin në serotoninë, duke rritur kështu edhe më shumë relaksimin.
Çfarë duhet të bëni për të normalizuar organizmin pas një nate ku e keni tejkaluar me ushqim, ëmbëlsira dhe alkool? Më poshtë keni listën e ushqimeve që do t’ju ndihmojnë të normalizoni dhe pastroni organizmin, në një dietë Detox....
Gjatë periudhës së shtatzanisë, të gjitha bëhemi shumë më të ndërgjegjshme për mënyrën tonë të të ushqyerit, se çfarë duhet të hamë e çfarë jo. Megjithatë, jo gjithmonë është e lehtë t’i kategorizosh ushqimet dhe pijet në çfarë DUHET...
Për të evituar infenksionet në veshka është ideale të konsumoni ushqime të shëndetshme që sigurojnë një larmi vitaminash, mineralesh dhe antioksidantësh që sigurojnë pastrimin e veshkave por që kanë sasi të vogla kaliumi dhe fosfori. Ushqimet që përmbajnë antioksidantë mund të...
Lini një koment