Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Çorbë me mish viçi dhe perime
Ne e quajmë çorbë, po ju si e quani nga anët tuaja? Hidhi një sy recetës se do ju ngrohë stomakun pas gjithë kësaj lagështire që na solli shiu...
Ingredientët
- 600 gram mish viçi
- 300 gram lakër e bardhë
- 1-2 karota
- 2 degë selino
- 3-4 patate
- 1-2 qepë të thatë
- 1-2 thelpinj hudhër
- 2 lugë gjelle gjalpë
- 2 lugë gjelle miell misri të verdhë
- 3-4 gjethe dafine
- Majdanoz për servirje
- Kripë, piper
Udhëzimet
1
Në një tenxhere hedhim 2 litra ujë dhe sapo të fillojë të vlojë shtojmë racionet e mishit. E mbulojmë tenxheren me kapak dhe e lemë mishin të ziejë në temperaturë mesatare derisa të zbutet.
2
Herë pas here gjatë zierjes largojmë shkumën e krijuar në mënyrë që lëngu të mos na dalë i turbullt.
3
Kur mishi të ketë filluar zbutjen shtojmë në tenxhere qepën, karrotat, selinonë dhe lakrën e bardhë. Rregullojmë shijen me kripë dhe piper.
4
Vendosim përsëri kapakun dhe i lemë perimet të ziejnë për 15 minuta.
5
Më pas vendosim në tenxhere 1-2 gjethe dafine, shtojmë dhe patatet dhe e lemë gatimin të vazhdojë zierjen dhe për 15 minuta të tjera.
6
Ndërkohë në një tenxhere shkrijmë 2 lugë gjelle gjalpë dhe kaurdisim miellin e misrit për 1-2 minuta.
7
Shtojmë pak leng nga supa që të hollohet dhe të marrë trajtën e një salce kremoze të cilën e shtojmë në tenxhere në momentet e fundit të përfundimit të gatimit.
8
E lemë në zjarr për 1-2 minuta dhe e servirim supën të ngrohtë spërkatur me majdanoz të freskët.
Shënime
Receta marrë nga: balkanweb.com
Lini një koment