Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Si të bëni një kabuni me rrush të thatë
Ju ka marrë malli për një kabuni? Keni frikë se s'do ju dalë e mirë? Receta e nepsit do jua thjeshtësojë jashtë mase punën prandaj hidhi një sy!
Ingredientët
- 150-200 gram rrush të thatë
- 1 filxhan oriz
- 2 filxhanë lëng mishi
- 1 filxhan sheqer
- 1 lugë çaji kanellë
- 1/3 lugë çaji karafil
- 3-4 lugë gjelle gjalpë të freskët
Udhëzimet
1
Fillimisht vendosim rrushin e thatë në ujë të ngrohtë që të zbutet.
2
Kaurdisim orizin me gjalpë dhe më pas shtojmë lëngun e mishit të vluar, rrushin e thatë dhe një majë luge kripë.
3
E mbulojmë me kapak dhe e lemë orizin të ziejë sa të krijojë bulëza.
4
E largojmë më pas nga zjarri dhe e përziejmë me sheqerin, kanellën dhe karafilat.
5
E mbulojmë përsëri me kapak dhe e lemë 10-15 minuta të pushojë në ngrohtësi në vatrën e sobës së fikur.
6
Më pas e servirim në tasa duke e spërkatur me kanellë dhe me pak sheqer të djegur për dekor dhe shije.
Shënime
Receta marrë nga: balkanweb.com
Lini një koment