Sugjerojmë:
Si thoni për një panine të shijshme me gjoks pule? Kjo është një recetë shumë e shijshme: pula bashkohet me një salcë vërtet të mrekullueshme, sallatë e domate të thata që i japin një shije vërtet të veçantë. Një vakt i shkëlqyer si për paradite, ashtu edhe për pasdite.
Në një tigan që nuk ngjit, gatuani gjoksin e pulës për disa minuta për secilën anë. Më pas priteni në shirita. Në një tigan shtoni 1 lugë uthull, 6 domate të thata dhe skuqini për 1 minutë. Më pas qërojuni cipën dhe pritini imët. Bashkoni copat e pulës me domatet e thata.
Përgatisni salcën: Fruloni 1 lugë mustardë, 20 gr parmixhan të grirë, 6 lugë gjelle vaj ulliri, lëngun e gjysme limoni, 1 thelpi hudhër, kripë e piper.
Lani me kujdes tufën e sallatës dhe priten në copa të mëdha. Përziejeni me dy lugë kaperi në uthull, 4 açuge në vaj të copëtuara; shtoni dhe salcën dhe përziejini.
Merrni dy vezë dhe ziejini për 7-8 minuta nga momenti që marrin valë. Ndani një panine në dysh dhe mbusheni me pulën, sallatën e përgatitur dhe gjysmë veze. Bëni të njëjtën gjë dhe me 3 paninet e tjera.
Lini një koment