Një pjatë e dytë e pasur, me vezë, peshk dhe perime, megjithatë e lehtë dhe mund ta servirni në tryezë si në drekë, ashtu edhe në darkë. Përgatitet thjesht dhe shkon me bukë të thekur ose polentë të kaluar në skarë.
Fusni vezët në një tenxhere dhe nga momenti që uji merr valë, lërini 10 minuta në mënyrë që të jenë të zira mirë.
Hiqni bizelet nga bishtajat dhe lajini me ujë të ftohtë. Pastroni qepët e njoma dhe grijini imët.
Në një tigan ngrohni 3 lugë vaj, më pas shtoni qepët, skuqini pak, pastaj shtoni bizelet e salcën e domateve, hidhuni kripë e piper dhe lërini në zjarr të ulët për 15 minuta.
Pasi vezët të jenë ftohur në ujë të ftohtë, qërojini dhe ndaji për së gjati më katërsh. Lani një tufë majdanoz dhe një tufëz mente nëse dëshironi.
Shtoni tek perimet tonin të cilin e keni kulluar dhe copëtuar, si dhe bimët aromatike. Më pas servireni pjatën në tryezë.
Lini një koment