Një supë pule me vezë dhe limon është propozimi i Nepsit për këtë të martë. Shije joshëse, deri në pikën e fundit!
Vendosim tenxheren me lëngun e pulës për të zierë. Shtoni mishin e pulës, pak kripë dhe e lini të ziejë për 30 minuta.
Largojmë copat e mishit, kullojmë lëngun e pulës në sitë dhe e vendosim përsëri në zjarr. Shtojmë në të karotën dhe orizin. E lini të ziejë për çerek ore.
Nxjerrim karrotën, e presim atë në kubikë ose e shtypim me pirun dhe e vendosim përsëri në tenxhere bashkë me mishin.
Para se të përfundojë zierja e orizit shtoni majdanozin e grirë imët.
Rrahim të verdhat e vezëve, shtojmë pak ujë dhe presim supën me vezë. Fikeni sobën, lëreni supën të ftohet pak dhe pas kësaj mund ta shijoni. Ju bëftë mirë!
Lini një koment