Supë pule me vezë dhe limon. Më e mira që keni ngrënë!

Vendosni tenxheren me 1,5 litër ujë për tu zier. Në momentin e zierjes vendosni copat e pulës, pak kripë dhe e lini të ziejë për 30 minuta.

Largoni copat e mishit, kulloni lëngun e pulës në sitë dhe e vendosni përsëri në tenxhere (në zjarr). Shtoni në të 1 karotë mesatare dhe 1 filxhan kafeje oriz. E lini të ziejë për 15 minuta.

Nxirrni karotën, e prisni atë në kubikë ose shtypeni me pirun dhe vendoseni përsëri në tenxhere bashkë me mishin e pastruar nga kockat dhe lëkura.

Grini majdanozin dhe shtojeni në tenxhere të ziejë në 2 minutat e fundit para se të përfundojë zierja e orizit.

Shtoni lëng limoni.

Rrahim të verdhat e vezëve, shtojmë pak ujë dhe presim supën me vezë. Fikim zjarrin dhe e lëmë tenxheren për pak.

Mbuloni tenxheren dhe shërbejeni supën të ngrohtë!