Sot, receta e sallatës dhe ëmbëlsirës vjen nga Alba Çobaj
E njohur më së shumti si ish-banorja e ‘Big Brother’, Alba Çobaj që njëkohësisht punon edhe si gazetare, herë pas herë zgjedh të ndajë me publikun recetat apo pjatat që gatuan. Më herët ajo është shprehur se jeton vetëm prandaj i është dashur të mësojë të gatuajë mirë. Madje edhe në punë ajo e merr bukën me vete (që e ka përgatitur një ditë më parë).
Neps.al i ra në sy pjata e sallatës dhe e ëmbëlsirës me banane që ajo ka ndarë dje në InstaStoryn e saj.
“Tipikja që hamë nëpër restorante dhe më e thjeshta në botë! Rucola, pomodorini, grana, shegë, vaj ulliri dhe aceto”, shkruan Alba.
Doni ta dini sesi përgatitet?
Përbërësit:
100 gram rukola
10 pomodorini
100 gram djathë grana
Vaj ulliri
Aceto molle
Shegë (nëse ju gjendet)
Përgatitja:
Lani mirë rukolën dhe e ndani me dorë në një tas të madh. Shtoni pomodorinit e prerë përgjysmë.
Tani shtoni vajin e ullirit, aceton dhe e përzieni mirë. Në fund shtoni shegët dhe sipër i grini në feta të holla djathin grana. Ju bëftë mirë!
Për të kaluar tani tek ëmbëlsira. Alba na tregoi një të thjeshtë fare me banane.
Për këtë recetë do ju nevojiten:
1 banane
1 lugë çaji gjalpë
pak kanellë
1 lugë kafe mjaltë (të lëngshëm)
Përgatitja:
Në një tigan vendosni për të skuqur gjalpin. Pas kësaj shtoni bananen, pasi e keni ndarë përgjysmë.
E skuqni mirë nga të dyja anët për pak minuta. Më pas e kaloni në një pjatë, sipër i shtoni mjaltin dhe kanellën.
Koha për të shijuar ëmbëlsirën më praktike në botë!/neps.al
1. Në një tas të madh përziej thjerrëzat e ziera me domatet, qepën, majdanozin dhe djathin e bardhë. 2. Në një enë tjetër përziej vajin e ullirit me lëngun e limonit, kripën dhe piperin. 3. Hidhe salcën mbi sallatë...
1. Në një tas të madh, vendos kubet e shalqirit. 2. Shtoni sipër djathin e thërrmuar dhe gjethet e mentes. 3. Spërkatni me vaj ulliri dhe lëng lime. 4. Shtoni një majë kripë dhe pak piper të zi nëse...
Shtyp bananen në një tas me pirun. Shto tërshërën, gjalpin e kikirikut dhe përbërësit e tjerë. Përziej mirë derisa të formohet një masë e trashë. Me duar të pastra formo toptha të vegjël. Vendosi në frigorifer për 30 minuta...
Lini një koment