Perimet e gjalla janë një mënyrë e shkëlqyer për të përgatitur vakte të lehta, sallata e për të shoqëruar pjatat e dyta. Kjo sallatë me karota është gati në 15 minuta, nuk ka nevojë të gatuhet, ndërkohë që xhinxheri i jep një shije të këndshme pikante dhe farat kompletojnë pjatën.
Merrni filizat e sojës, lajini dhe thajini, qëroni karotat, lajini dhe pritini për së gjati, pastroni dhe lani 4 qepë të njoma dhe pritini në feta të holla. Në një tigan hidhni 6 lugë fara susami dhe piqini mbi sobë pa u hedhur vaj.
Në një enë bashkoni 100 ml vaj ulliri, uthullën e mollës, kripë e piper si dhe një lugë xhinxher të grirë.
Në një enë sallate shtoni perimet, bashkojini me emulsionin e vajit dhe uthullës, farat e susamit dhe shërbejeni.
Lini një koment