Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Pulë e mbushur me portokall dhe arra
Fundjava po vjen prandaj nëse po mendoni të gatuani një pulë bëjeni sipas recetës më poshtë. Ajo është e mbushur me portokall, arra, rrush të thatë e shumë përbërës të tjerë që do i japin një shije tjetër tryezës suaj!
Ingredientët
- 1 pulë
- 1 lugë gjelle gjalpë
- Lëkura e një portokalli
- kripë, piper
- 2-3 lugë gjelle vaj ullir
- 200 gram mish të grirë
- 100 gram mëlçi pule
- 1 qepë
- 1 mollë
- 1 filxhan oriz
- 50 gram arra
- ½ filxhan rrush të thatë
- 1 filxhan lëng mishi
- 5-6 mollë
Udhëzimet
1
Pulën e lyejmë me gjalpë dhe e rregullojmë me kripë, piper dhe lëkurën e portokallit.
2
Në një tigan të thellë hedhim mishin e grirë dhe mëlçitë dhe i kaurdisim së bashku për 3-4 minuta. Më pas shtojmë qepën e grirë imët dhe vazhdojmë kaurdisjen.
3
Pasi qepa të jetë bërë transparente shtojmë orizin dhe me rradhë përbërësit e tjerë. Në fund shtojmë lëngun e mishit dhe e lemë pak minuta.
4
Vendosim pulën e marinuar në një tavë, vendosim anës pulës mollët të cilat i kemi hapur në qendër me majën e thikës dhe fillojmë mbushim fillimisht pulën dhe më pas mollët.
5
E vendosim të piqet fillimisht të mbuluar në temperaturën 180-200 gradë për 1 orë. Më pas e heqim letrën dhe e lemë për 20-30 minuta të marrë ngjyrë!
Lini një koment