Sugjerojmë:
Një pjatë e parë e shijshme, me brumë të përgatitur me vezë dhe të mbushura me mish, pefekte për t’u shtruar në tavolinë drekat apo darkat e fundjavave e festave. Receta e tyre është e thjeshtë dhe me pak përbërës mund të sjellim në tryezë një pjatë të shijshme, të këndshme që u pëlqen si fëmijëve, ashtu edhe të rriturve.
Si fillim, përgatisni mbushjen. Prisni në copa mishin e qinjgit, mishin e viçit dhe proshutën. Kalojini dy herë në grirëse dhe vendosini në një enë ku do të shtoni më pas vezën dhe të verdhën, peksimadhet, bukën e zbutur në qumësht, të shtrydhur mirë, 5-6 lugë djathë grana të grirë, kripë, piper e arrë moskat.
Përgatisni beshamelin. Në një tenxhere shkrini gjalpin, shtoni miellin dhe përziejeni derisa të marrë ngjyrë të artë. Shtoni qumështin, përziejeni menjëherë me rrahëse vezësh derisa të trashet, shtoni kripën e piperin si dhe pak arrë moskat.
Hapni me petëz brumin me vezë, formoni kuadrate të prera me thikë dhe ziejni në ujë të vluar me kripë. Kullojini ‘al dente’ dhe zhytini në një enë me ujë e akull pastaj. Më pas grumbullojini duke i ndarë me letër furre. Në secilin kuadrat vendosni një lugë nga mbushja dhe rrotullojini në formën e kaneloni.
Lyeni një tepsi me gjalpë dhe vendosini kaneloni-t pranë njëra-tjetrës. Mbulojini me beshamel, spërkatini me djathë grana dhe copëza gjalpi dhe piqini në 200 gradë Celsius për 20-25 minuta.
Hiqini nga furra, lërini për disa minuta dhe më pas shërbejini.
Lini një koment