Maska natyrale me vezë dhe lëng qepe, më e mira për flokët e dekoloruar!

Maska me vezë dhe lëng qepe është gjerësisht e rekomanduar pasi ushqen rrënjën, forcon flokët dhe parandalon këputjen e tyre sidomos pas një procesi të vështirë siç është dekolorimi.

Veza është një ndër burimet kryesore të proteinave dhe vitaminës E, të cilat ushqejnë rrënjën e flokut, si dhe e ndihmojnë të rritet në mënyrë të shëndetshme. Antioksidantët që gjenden tek qepa parandalojnë këputjen e flokëve dhe i mbrojnë ato nga veprimi i radikaleve të lira.

Çfarë duhet të bëni: 

• Merrni dy kokrra qepë, ndajini në 4 pjesë dhe vendosini të zihen me 300 ml ujë.
• Lëngun e qepës kullojeni dhe lëreni të ftohet.
• Shtoni në të 2 të verdha vezësh dhe 2 lugë gjelle me vaj ulliri.
• Përzierjen hidheni në një shishe spray dhe aplikojeni mbi flokë duke e lënë të veprojë për 30-40 minuta.

Pas kësaj maske do të vëreni që flokët tuaj do të jenë më të fortë e të butë!