Sugjerojmë:
Kremoze dhe shumë e shijshme, tiramisuja me fisitkë është një variant i shijshëm i versionit klasik të një prej ëmbëlsirave italiane ‘par excellence’. E thjeshtë për t’u përgatitur, tiramisuja me fistikë është një ëmbëlsirë perfekte për mëngjesin ose për një vakt të ndërmjetëm plot shije.
Thërrmojini fistikët me ndihmën e një grirëseje pasi t’i keni qëruar dhe hequr cipën.
Ndani të bardhat e vezëve nga të verdhat. Të verdhat rrihini me sheqerin derisa të merrni një përbërje shkumoze dhe të kthjellët. Shtoni maskarponen dhe përziejeni masën mirë. Më pas shtoni fistikët e thërrmuar dhe përziejini përsëri.
Rrihini të bardhat e vezëve derisa të bëhen marengë. Më pas përziejini me kujdes me përbërjen e të verdhave me lëvizje nga poshtë-lart përmes një luge druri.
Në një tavë drejtëkndëshe shtroni shtresën e parë të biskotave savoiardi të cilat i keni lagur më parë tek uji me sheqer. Shtrojuni sipër një shtresë kremi fistikësh, një shtresë tjetër biskotash dhe kështu derisa të mbarojë kremi dhe biskotat.
Në fund shtroni një shtresë të bollshme kremi dhe dekorojeni me fistikë të thërrmuar dhe kakao. Lëreni disa orë në frigorifer para se ta shërbeni.
Lini një koment