Kjo është një lloj pjate ideale kur s’keni shumë kohë të gatuani, e lehtë, e shijshme dhe plot nutrientë. Le të shohim së bashku si përgaitet:
Përbërësit:
400 gr thjerrëza
1 spec i kuq djegës
1 qepë e kuqe
1 karotë
pak mente
pak kripë
1 degë selino
pak vaj ulliri e.v
pak brodo perimesh
disa fara kumini
disa thelpinj arre
1 qepë e bardhë
5 kajsi të thata
Përgatitja:
Lani si fillim thjerrëzat. Qëroni qepën e bardhë dhe grijeni imët. Pastroni karotën dhe selinon dhe grijini gjithashtu imët. Vendosini perimet në tenxhere pa u shtuar yndyrë dhe kavardisini në zjarr të ulët duke i përzier. Shtoni thjerrëzat, shtoni dhe një garuzhde brodo dhe gatuajini aq sa ç’thuhet në paketimin e thjerrëzave. Nëse është e nevojshme, shtoni dhe një garuzhde tjetër brodo.
Përgatisni përbërësit e tjerë. Prisni qepën e kuqe në feta dhe vendoseni në një enë. Ndani në copa kajsitë e thata, mbulojini me ujë të vakët dhe lërini të zbuten për 10 minuta. Prisni specin e kuq për së gjati, hiqini farat, lajeni thajeni dhe grijeni imët. Thyeni me dorë thelpinjtë e arrave.
Sapo thjerrëzat të jenë zier, hiqini nga zjarri dhe lërini të vaken. Transferojini në enën me qepën e kuqe, shtoni specin e grirë, kajsitë të cilave u keni kulluar ujin, thelpinjtë e arrave, disa gjethe mente dhe farat e kuminit.
Shtoni 3-4 lugë vaj ulliri, kripë nëse është e nevojshme, përziejini mirë dhe servirirni pas disa minutash.
1. Në një tas të madh përziej thjerrëzat e ziera me domatet, qepën, majdanozin dhe djathin e bardhë. 2. Në një enë tjetër përziej vajin e ullirit me lëngun e limonit, kripën dhe piperin. 3. Hidhe salcën mbi sallatë...
1. Në një tas të madh, vendos kubet e shalqirit. 2. Shtoni sipër djathin e thërrmuar dhe gjethet e mentes. 3. Spërkatni me vaj ulliri dhe lëng lime. 4. Shtoni një majë kripë dhe pak piper të zi nëse...
Shtyp bananen në një tas me pirun. Shto tërshërën, gjalpin e kikirikut dhe përbërësit e tjerë. Përziej mirë derisa të formohet një masë e trashë. Me duar të pastra formo toptha të vegjël. Vendosi në frigorifer për 30 minuta...
Lini një koment