Snapfood shndërrohet në Kupid: Njihuni me historinë e çiftit që u dashurua në aplikacion

Në Snapfood mesa duket nuk ke vetëm mundësinë të porosisësh ushqimet e tua të preferuara apo produkte të tjera të domosdoshme, por mund të gjesh dhe dashurinë! Pikërisht kjo duket se ka ndodhur me dy të rinj nga Tirana, që kanë zbuluar për Snapfood se si u dashuruan ndërkohë që komunikonin në chat-in e aplikacionit.

“1 muaj lidhje! Duhet t’ju blejmë këpucë se ju jeni mblesit. U lidhëm te chat-i i aplikacionit!”-shkruan vajza në një mesazh dërguar Snapfood në Instagram dhe historia s’mund të ishte më e këndshme se kaq!

Siҫ rrëfen ajo, të dy njiheshin që më parë, por teksa komunikonin në chat-in e Snapfood duke ndarë mendimet e tyre për ushqimet, duket se në stomak përveҫ ushqimeve kanë fillluar edhe fluturat.

“Llupësa të dy! Njiheshim që më përpara domethënë, por duke folur në chat për punë ushqimesh, provo këtë…porosit atë… na u zgjat biseda pak si shumë.”-shprehet më tej ajo duke dërguar dhe një foto të bisedës nga ku duket se ka filluar gjithҫka.

Djali e ka ftuar në një takim dhe mesa duket gjërat paskan marrë rrjedhën e duhur. Dashuria nuk kaloka vetëm nga stomaku, por tashmë edhe nga Snapfood!