Bullguri është përdorur që prej shumë shekujsh, e gjejmë të trashëguar që nga kulturat aziro-babiloneze dhe vitet e fundit është rikthyer fuqishëm në treg për vlerat e pasura ushqimore që përmban. Le të shohim se si të përgatisim një pjatë të freskët, të ushqyeshme dhe shumë të përshtatshme për periudhën pranverë-verë.
Vendosni bullgurin në një tenxhere në raportin 1 masë bullgur : 2 masa ujë, mbulojeni tenxheren me kapak dhe lëreni të ziejë në zjarr të lehtë për 20 minuta.
Nëse dëshironi, mund ta gatuani bullgurin edhe me brodo mishi ose perimesh për më shumë shije.
Më pas, hiqeni bullgurin nga zjarri, shtoni dy lugë vaj ulliri e.v dhe mbulojeni me kapak duke e lënë ashtu për 10 minuta në mënyrë që të fryhet dhe të zbutet.
Ndërkohë pastroni perimet, pritini në kubikë, prisni imët majdanozin dhe krijoni një salcë duke bashkuar vajin, limonin dhe salcën e sojës.
Kur bullguri të jetë ftohur, përziejeni me perimet dhe më pas shtoni salcën që krijuat me limon, vaj e salcë soje.
Shtojini kripë dhe shërbejeni në tryezë.
Lini një koment