Oriz me salçiçe dhe kërpudha

1.Skuqni qepën e grirë me një lugë vaj. Më pas gjysmën e saj hidheni në një tenxhere. Merrni salsiçet, hiquni lëkurën dhe shtypini me pirun. Shtojeni te qepa në tenxhere.
2.Shtoni më pas kërpudhat chiodini të pastruara e të prera. Shtoni kripë, piper dhe gjysmën e verës. Lëreni të avullojë. Shtoni tulin e domateve dhe lëreni për 15 minuta.
3.Në tenxheren me qepën e mbetur, kaurdisni orizin dhe shtoni verën e mbetur. Prisni të avullojë vera dhe shtoni pak nga pak nga bordoja e nxehtë. Pak para se të jetë i zier plotësisht, shtoni salcën e përgatitur.
4.Mund ta servirni me pak djathë dhe majdanoz të grirë.