Lamtumirë qumështi i sojës dhe i bajameve. E keni provuar qumështin e bizeleve?
Për veganët, ata që kanë intolerancë nga laktoza apo për ata që kanë zgjedhur një dietë pa bulmet, fatmirësisht ka gjithnjë e më shumë burime alternative të qumështit bimor, p.sh qumështi i i tërshërës, bajameve, kokosit, orizit, sojës, arrave makadamia, etj. Shije të ndryshme megjithatë, në rast të alergjisë nga soja, lajthitë, bajamet etj, mundësitë për të pirë një gotë qumësht ose për t’ia shtuar kafes së mëngjesit, kufizohen.
Dhe meqë jemi duke folur për pijet vegane, së fundi ka marrë shumë vëmendje trendi i qumështit të bizeleve. Ok, lërini batutat mënjanë pasi bëhet fjalë për një trend ushqimor shumë serioz: ka filluar të bëhet popullor në SHBA dhe të fitojë zemrat e të gjithëve sepse është zgjidhja perfekte për çdo moment të ditës. Është vegan, pa laktozë e gluten, nuk ka shije bizelesh, nuk e dëmton ambientin dhe ka më shumë proteina e kalcium se pijet e tjera alternative.
Marka e parë që e ka prodhuar është Ripple. Është burim proteinash e nutrientësh. 240 ml qumësht bizelesh përmban 8 gramë proteina, pak a shumë sa sasia e një gote qumësht shtazor. Për më tepër, proteinat që gjenden tek bizelet janë të pasura edhe me (BCAA), një grup aminoacidesh që mund të promovojnë rritjen muskulore dhe të rregullojnë nivelin e sheqerit në gjak.
Gjithashtu, 240 ml qumësht bizelesh përmban 70 kalori kundrejt 87 që përmban qumështi i skremuar dhe është perfekt për dietat e ulëta në karbohidrate.
Arra e kokosit ka fituar një reputacion të madh për përfitimet e shumta shëndetësore dhe përdorimin e gjerë në dietë dhe mirëqenie. E pasur me yndyrna të shëndetshme, vitamina, minerale dhe antioksidantë, arra e kokosit është shumë më tepër...
Gjumi është një nga elementët më të rëndësishëm për mirëqenien tonë të përgjithshme. Ndërsa jetojmë në një botë të zënë dhe të mbushur me stres, gjumi shpesh është një nga gjërat e para që neglizhojmë. Megjithatë, mungesa e gjumit...
Avokado është një nga frutat më të pasura me vlera ushqyese dhe është bërë një zgjedhje popullore në shumë dieta moderne. Me teksturën e tij të butë dhe shijen delikate, avokado nuk është vetëm i shijshëm, por edhe një...
Lini një koment