Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Lakror me qepë e domate
Ingredientët
- 800 gr miell
- 400 ml ujë
- 1 kg domate (të prera në kubikë)
- 2 kokrra qepë
- 2-3 lugë vaj ulliri
- gjalpë
- kripë
Udhëzimet
1
Për mbushjen, skuqim qepën në një tigan me vaj deri sa të zbutet.
2
Shtojmë domaten dhe e gatuajmë për rreth 30 minuta në zjarr të ulët. Gjatë gatimit mund të shtojmë pak ujë.
3
Për petët: Zëmë brumin me ujë të vakët dhe pak kripë. E punojmë mirë, e lëmë të rrijë pak dhe e ndajmë në dy copa. Copa për petën e sipërme duhet të jetë 450 gr. kurse e poshtmja 440 gr.
4
Tërhollim petën dhe e shtrojmë në një tepsi të lyer me vaj. Hedhim mbi të mbushjen dhe e mbulojmë me petën tjetër. E spërkasim me pak gjalpë.
5
Mbulojmë saçin me prush dhe e vëmë mbi zjarr që të nxehet mirë.
6
Vëmë saçin mbi tepsinë e lakrorit dhe e lëmë për rreth 1 minutë. Heqim saçin, e vëmë tepsinë mbi zjarr dhe e mbulojmë përsëri me saç.
7
E pjekim për rreth 10 minuta duke e zbuluar dhe kontrolluar disa herë gjatë pjekjes. Në gjysmë të pjekjes e mbulojmë lakrorin me letër alumini. Ju bëftë mirë!
Lini një koment