Kur mund t’i jepet fëmijës për herë të parë lëng karote?

Karotat janë një ushqim i parë mjaft i mirë për foshnjat, për shkak të vlerave ushqyese, shijes dhe strukturës. Shumica e foshnjave pëlqejnë edhe shijen, sepse kanë një preferencë natyrale për ëmbëlsirat.

Në vend të puresë së karotave, foshnjave mund t’u jepet herë pas here lëng karote. Mund të jepen vetëm 2 lugë çaji lëng një herë ose dy herë në javë, pasi një sasi më e madhe mund të precipitojë kapsllëk ose diarre. Ndryshe nga lëngjet e tjera, nuk është acid, është i lehtë për stomakun e foshnjës.

Lëngu i karotës mund t’u jepet foshnjave pas muajit të 6-të. Mund të jepen rreth 60-120 mililitër.

Përfitimet e lëngut të karotës për foshnjat:

1. Karotat janë një burim i shkëlqyer i beta-karotenit i cili kthehet në Vitaminë A në trup.
2. Karotat janë të pasura me fibra dhe ndihmojnë në tretje.
3. Karotat janë gjithashtu të pasura me hekur, kalcium dhe vitamina.

Si të përgatis lëng karrote për fëmijën tim?

Si fillim sterilizoni të gjitha enët me ujë të vluar.

1. Zgjidhni një karotë me madhësi mesatare.
2. Qëroni lëkurën.
3. Me një rende të përshtatshme grini karotën. (preferohet një rende që ka vrima të vogla)
4. Pasi t’i keni larë duart me dezinfektues, merrni karotën e grirë në pëllëmbë, bëni një grusht dhe shtrydhni karotën në mënyrë që lëngu të mblidhet në një filxhan.
5. Kulloni lëngun nga karrota derisa të mbetet vetëm byku.

Lëngu i karotës është gati.

Informacione ushqyese të karotave

• 100 gram karota japin 41 kcal
• Karotat janë burim i shkëlqyer i beta-karotenit, i cili shndërrohet në vitaminë A në trup
• Karota gjithashtu promovon një sistem të fortë imunitar dhe përmban fitokemikale në të.
• Karotat janë të pasura me fibra dhe parandalojnë kapsllëkun tek foshnjat. Ato përmbajnë gjithashtu hekur, kalcium dhe vitaminë C.