Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Krostatë me krem portokalli
Vërtet e shijshme, krostata me krem portokalli është ideale për të nisur ditën në mënyrë të shëndetshme, të ushqyeshme dhe të shijshme. Përgatitet për një orë, përfshirë edhe 15 minuta për ftohjen e kremit që përgatitet në vetëm 25 minuta.
Ingredientët
- 250 gr brumë sfoliat
- *(Nëse doni ta përgatisni vetë: 200 gr miell, 70 gr gjalpë, 100 gr sheqer, 1 vezë, lëkura e grirë e 1 limoni, pak kripë)
- 2 portokaj
- 3 dl qumësht
- 3 të verdha vezësh
- 80 gr sheqer kane
- 50 gr miell i bardhë
- 20 gr sheqer pluhur
Udhëzimet
1
Ngrohni qumështin në zjarr të ulët, duke bërë kujdes të mos vlojë. Grini lëkurën e portokallit dhe shtrydhni lëngun; kurse portokallin tjetër priteni në feta të holla.
2
Rrihni të verdhat e vezëve me 70 gr sheqer në një tas, derisa të merrni një masë homogjene.
3
Më pas shtoni lëkurën e portokallit dhe lëngun e shtrydhur, miellin e situr dhe qumështin e ngrohtë, duke pasur kujdes të mos krijohen gungëza.
4
Lëreni në zjarr derisa të trashet përreth 10 minuta dhe lëreni të ftohet për 15 minuta.
5
Ngrohni furrën në 180 gradë, hapni brumin sfoliat në një plan pune të spërkatur me miell, më pas hapeni mirë në bazën e një tepsie të posaçme për tarta me diametër 24 cm të veshur me letër furre.
6
Mbi bazën e brumit shpërndani kremin e portokallit duke e niveluar sipërfaqen me një spatul. Piqeni për 25 minuta.
7
Hiqeni nga furra dhe lëreni të pushojë për disa minuta. Më pas dekorojeni sipërfaqen me feta portokalli, spërkateni me sheqer pluhur dhe servireni në tavolinë.
Lini një koment