Krem anticelulit me kafe. Receta për një lëkurë të mëndafshtë gjithë verën

Po kërkoni diçka natyrale kundër celulitit? Një krem i bërë vetë anticelulit me mbetjet e kafesë është ideal! Receta për ta realizuar është e thjeshtë: mjafton të bashkoni kremin tuaj hidratant të preferuar me llumin e kafesë moka ose kafesë turke dhe ja ku u bë. Mund të provoni edhe të përdorni vaj ulliri në vend të kremit për një rezultat akoma më natyral.

Por pse të përdorim pikërisht kafenë për të luftuar celulitin? Është shumë e thjeshtë: kafeina e gjendur tek kafeja është një element shumë efikas kundër celulitit dhe eliminon mbajtjen e lëngjeve të tepërta, stimulon metabolizmin dhe parandalon krijimin e gungëzave me ujë në inde. Kafeina ka gjithashtu veti antioksidante që mbrojnë lëkurën nga ekspozimi ndaj rrezeve të diellit, përgjegjëse për plakjen e lëkurës, të humbjes së bonifikimit dhe elasticitetit.

Si fillim, merrni 3 ose 4 lugë kafeje moka dhe shtojini në një tas së bashku me 4 lugë krem hidratant ose krem ushqyes për trupin; përziejini mirë dhe lërini të pushojnë për një minutë. Nëse doni, mund t’i shtoni kësaj përzierjeje edhe një lugë vaj ulliri e.v dhe një lugë mjaltë.

Merrni me dorë një sasi të vogël nga kremi dhe përhapeni në zonat ku është më problematike ‘lëkura juaj e portokallit.’ Pasi ta masazhoni mirë, lëreni për disa minuta dhe lajeni me ujë të vakët. Përsëriteni këtë veprim dy ose tre herë në javë për 15 minuta aplikim-masazhim-pushim.