Gjërat që nuk duhet të bëni nëse keni lëkurë të yndyrshme
Jeni lodhur duke pasur një lëkurë që shkëlqen nga yndyra kudo që shkoni? Jo vetëm produktet që përdorni për kujdesin ndaj lëkurës ndihmojnë në reduktimin e yndyrës së tepërt. Edhe ushqimet që hani kanë shumë ndikim. Duke pasur më shumë kujdes me disa zgjedhje të dietës suaj, yndyra e lëkurës s’ka pse kthehet në një stres. Më poshtë do të lexoni se me çfarë duhet të keni ekzaktësisht kujdes:
Mos hani gjëra me sheqer
Të gjithë e dimë që sheqeri i rafinuar i bën keq shëndetit. E dinit që gjithashtu përkeqëson yndyrën në lëkurë? Kjo sepse sheqeri i rafinuar shkakton inflamacion dhe disbalancë hormonale. Të dyja këto e bëjnë lëkurën tuaj të shfaqë një refleks me shkëlqim. Qëndroni larg ëmbëlsirave për të shmangur puçrrat dhe shkëlqimin e tepërt!
Mos hani karbohidrate të përpunuara
Konsumimi i produkteve me karbohidrate të përpunuara është i ndaluar nëse keni lëkurë të yndyrshme. Kur bëni pazare, kujdes me drithërat e rafinuara sepse e bëjnë lëkurën tuaj të ketë një shkëlqim shumë të padëshiruar. Gjithashtu këto produkte shkaktojnë dhjamosje rreth zonës së barkut dhe ekspertët e lidhin konsumin e tyre me diabetin dhe sëmundjet e zemrës.
Mos konsumoni bulmet
Sipas ekspertëve të lëkurës, qumështi dhe produktet e bulmetit e përkeqësojnë gjendjen e lëkurës, sidomos nëse ajo është e yndyrshme ose e prirur ndaj puç3rave. Edhe bulmeti gjithashtu shkakton rritje të niveleve të inflamacionit. Nëse jeni të shqetësuar për burimet e kalciumit në mungesë të bulmetit, mos u shqetësoni pasi ka plot perime të pasura me këtë element.
Mos konsumoni ushqime të paketuara dhe fast- food
Ushqimet e paketuara dhe ato që blihen në fast food-e janë shumë të pasura me yndyra dhe kjo është arsyeja pse ato e bëjnë lëkurën tuaj të duket e yndyrshme. Gjithashtu këto ushqime janë të pashëndetshme për imazhin tuaj në tërësi dhe shëndetin kardiovaskular. Zgjedhjet e zgjuara ushqimore ju ndihmojnë nga shkëlqimi i tepërt në fytyrë dhe probleme të ndryshme me shëndetin.
Mos hani mish të kuq
Sipas ekspertëve, mishi i kuq përmban hormone dhe rrjedhimisht, shkakton disbalancë hormonesh edhe në trupin tuaj, duke sjellë me vete edhe pasoja kozmetike si yndyra e tepërt në fytyrë dhe aknet.
Për të rriturit që vuajnë nga intoleranca ndaj laktozës, konsumimi i qumështit të fermentuar mund të eliminojë ose të zvogëlojë ndjeshëm simptomat e këtij problemi. Studiuesit besojnë se mikroorganizmat e pranishëm në këtë produkt të fermentuar – i njohur...
Luleshtrydhet prishen shpejt, por me këtë truk të thjeshtë mund t’i mbani të freskëta për disa ditë më shumë: 1️⃣ Shpëlajini me uthull të holluar – Përzieni 1 filxhan uthull molle ose të bardhë me 3 filxhanë ujë dhe...
Nëse nuk keni një ndarës vezësh, ky truk i thjeshtë do t’ju ndihmojë: 1️⃣ Metoda e shishes plastike – Thyejeni vezën në një tas. Merrni një shishe plastike bosh, shtrydheni pak dhe vendoseni grykën mbi të verdhën. Lëshoni shtrëngimin...
Lini një koment