Nëse mëngjesi anglez është pasioni juaj, receta me avokado, vezë e salmon, do t’ju bëjë për vete që me kafshatën e parë. Veza tradicionale në tigan vjen e ripërpunuar në një variant me shije ekzotike duke u shërbyer në lëkurën e avokados.
Grini lëkurën e limes dhe vendoseni në një enë. Grini barin e qepës dhe lëreni mënjanë. Ndani përgjysmë avokadot, hiquni bërthamat, prituni tulin me anë të një thike dhe hiquani me anë të një luge.
Mbi çdo gjysmë avokado vendosni një fetë salmon të tymosur, hidhni kripë, piper dhe lëkurën e limes që keni grirë. Më pas përgatisni vezët: nxehni pak vaj ullri në një tigan, hidhni vezët me kujdes, gatuajini për 2-3 minuta, më pas me ndihmën e një luge vendosini mbi avokado.
Në fund hidhuni piper rozë, aromatizojini me barin e qepës dhe shërbejini menjëherë.
Lini një koment