Njoki me rikota dhe pesto

Pestoja është një nga salcat më të vlerësuara dhe me të pëlqyera, sidomos nga fëmijët. Nëse kësaj here doni të përgatisni diçka ndryshe nga pastat e zakonshme me pesto, provoni këto njoki të bëra në shtëpi.

Përbërësit:

• 300 gr rikota
• 80 gr miell
• 100 gr pesto
• 100 gr mashurka të njoma
• 20 gr djathë pekorino
• 20 gr djathë grana
• 1 e verdhë veze
• Pak vaj ulliri e.v
• Kripë

Përgatitja:

• Në një tas hidhni rikotën dhe përziejeni me pirun, më pas shtoni të verdhën e vezës, miellin, peston dhe djathin grana; shtoni pak kripë dhe krijoni një brumë homogjen me përbërësit. Transferojeni më pas në një plan pune të spërkatur me miell dhe ndajeni në 4-5 porcione.
• Punoni secilin prej porcioneve me duar duke formuar cilindra me diametër 2-3 cm dhe prisni njomit me 3 cm gjatësi, më pas vendosini mbi një letër furre ose pecetë të spërkatur me miell.
• Vendosni ujin të ziejë, ndërkohë pastroni mashurkat dhe pritini në copa. Hidhini ujit kripë, shtoni mashurkat, një lugë vaj dhe më pas njomit.
• Kullojini së bashku me mashurkat dhe kur të marrin ngjyrë të verdhë, hidhini në një enë. Bashkojini me 4 lugë vaj dhe 20 gr djathë pekorino të grirë. Përziejini me kujdes dhe shërbejini menjëherë.