Tortë e kripur me djathë e qumësht për të përdorur bukën e mbetur

Torta me djathë është ideale kur nuk dini se ç’të bëni me bukën e mbetur që është bërë e fortë dhe e thatë. Ja si mund të riciklohet ajo në një recetë të shijshme:

Përbërësit:

• 10 feta bukë
• 250 gr djathë i tipit groviera
• 600 ml qumësht
• 2 vezë
• Pak arrë moskat
• Kripë e piper

Përgatitja:

1. Ndizni furrën në 180 gradë.
2. Merrni një tepsi dhe shtroni letër furre në të.
3. Prisni djathin në 10 feta dhe formoni shtresa në tepsi: si fillim bukën, më pas djathin e kështu me radhë.
4. Në një tas rrihni vezët me pirun, shtoni qumështin, kripën, piperin dhe arrën moskat.
5. Hidheni këtë përbërje mbi fetat e bukës dhe djathin.
6. Piqeni për 30 minuta ose derisa të formojë një sipërfaqe të artë.