Supë me perime, e duhura për një verë të shëndetshme

1.Për të përgatitur këtë supë si fillim lani mirë të gjitha perimet.

2.Merrini me radhë, një nga një të gjitha perimet (kungullin, kungulleshkën, lulelakrën, preshin, pataten, domaten, karrotën, hudhrën dhe qepët e njoma). Pastrojini dhe pritini në kubikë të vegjël.

3.Gjithashtu të njëjtin proces bëni edhe me majdanozin dhe proshutën e tymosur.

4.Merrni tenxheren,hidhni vajin e ullirit dhe shtoni qepët e njoma, selinotë dhe karrotat. Përziejini sëbashku, në mënyrë që të mos ngjiten. Shtoni dhe hudhrat.

5.Pastaj hidhni proshutën, e cila i jep shije supës.

6.Merrni rozmarinën dhe hidheni tek përzierja që keni berë, deri në këtë moment.

7.Më pas hedhim të gjitha perimet me radhë (preshin, kungullin, lulelakrën, patatet, fasulet, kungulleshkat, domatet) dhe në fund shtoni ujin.

8.Lerini të gjitha perimet të ziejnë për rreth 30 minuta.

9.Pasi përimet të jenë zierë, hidhni 50 gr ujë sërish, nëse doni të keni një supë të lëngshme, ose më pak nëse nuk e dëshirojmë të tillë.

10.Në fund heqim tufën e rozmarinës dhe supa është gati.