Salatë me shalqi, djathë të bardhë dhe mente
1. Në një tas të madh, vendos kubet e shalqirit. 2. Shtoni sipër djathin e thërrmuar dhe gjethet e mentes. 3. Spërkatni me vaj ulliri dhe lëng lime. 4. Shtoni një majë kripë dhe pak piper të zi nëse...
Supë me kërpudha dhe qiqra
Një supë plot shije, e shëndetshme, e ushqyeshme. Një recetë të cilën nëse nuk e keni përgatitur ndonjëherë, ia vlen ta provoni. E pasur me vitamina, proteina e kripëra minerale, kërpudhat i japin kësaj supe edhe fosforin, një element i rëndësishëm për shëndeitn e kockave. Përmbajnë gjithashtu selenium dhe kalium.
Ingredientët
- 1 qepë
- 2 thelpinj hudhër
- 250 gr kërpudha finferli
- 250 gr kërpudha porçini
- 6 lugë gjelle vaj ulliri
- 200 ml verë e vardhë
- 2 kavanozë ose kanaçe qiqra të konservuara
- 1 litër brodo pule
- 1 lugë gjelle majdanoz
- 200 gr djathë brie (djahtë i butë)
- 8 feta buke bagetë
- 50 gr krem kosi me yndyrë
Udhëzimet
1
Prisni qepën në kubikë të vegjël dhe grini imët hudhrën.
2
Pastroni kërpudhat, lini mënjanë 80 gr prej tyre, më pas pritni në copa pjesën tjetër.
3
Ngrohni një lugë gjelle vaj ulliri në një tigan dhe skuqni hudhrën dhe qepën për një minutë. Më pas shtoni edhe kërpudhat dhe lërini për 2 minuta.
4
Shtoni verën e bardhë dhe lëreni në zjarr të ulët derisa lëngu të përgjysmohet.
5
Kulloni qiqrat, lini mënjanë disa kokrra për dekor, kurse të tjerat shtojini te supa bashkë me brodon e pulës.
6
Prisni të marrë valë dhe lëreni të ziejë për 10 minuta.
7
Ndërkohë vendosni fetat e bagetës në një tepsi ku keni shtruar letër furre, spërkatini me dy lugë vaj ulliri dhe piqini në furrë për 5 minuta.
8
Mënjanë, prisni djathin në kbuikë, prisni në feta kërpudhat e mbetura dhe grini imët majdanozin.
9
Në një tigan, ngrohni 2 lugë gjelle vaj ulliri dhe shtoni kërudhat e qiqrat e mbetura duke i gatuar për 3-5 minuta.
10
Shtoni edhe majdanozin, kripë e piper duke i lënë të qëndrojnë ngrohtë në tigan.
11
Vendosni kubikët e djathit mbi fetat e bukës dhe vendosini në furrë edhe për 5 minuta të tjera.
12
Më pas, kaloni supën në frulatorë për të krijuar një përbërje homogjene dhe shtoni më pas kremin e kosit.
13
Ndani supën në tasa dhe shpërndani nëpër to kërpudhat e qiqrat e metura, vajin e mbetur dhe shërbejini me copa buke.
Lini një koment