Sugjerojmë:
Një supë si kjo nuk zhgënjen, sepse përveçse është shumë e shijshme, lufton të ftohtin dhe virozat. E pasur me beta karoten nga karotat, antioksidantë nga shafrani dhe xhinxheri, proteina, fibra e kalium nga thjerrëzat, kjo supë është vërtet e ushqyeshme dhe ka vlerën e një medikamenti.
Gatuajini karotat në avull derisa të zbuten. Pritini në formë rrethore dhe lërini mënjanë.
Bashkoni ¼ lugë çaji shafran Indie, 2 copat e xhinxherit, specat jeshile the thjerrëzat, shtoni ujë dhe ziejini derisa thjerrëzat të zbuten e jo të jenë al dente.
Më pas hiqini specat jeshile dhe copat e xhinxherit dhe grijini imët. Lërini mënjanë.
Në një tigan ngrohni vajin e ullirit. Shtoni qepët e grira dhe kaurdisini derisa të bëhen të tejdukshme.
Shtoni xhinxherin dhe specat jeshile të prera, xhinxherin e grirë imët (1 lugë gjelle) dhe domatet. Gatuajini për 3-5 minuta.
Shtoni aty shafranin e mbetur, piperin e kuq, uthullën, kripën. Shtoni dhe karotat e thjerrëzat e ziera dhe përziejini mirë.
Pasi përzierja të ftohet pak, transferojeni në blender dhe shtoni gradualisht dy 2 gota ujë.
Transferojeni përsëri në tenxhere dhe ziejeni për disa minuta në nxehtësi mesatare.
Gradualisht shtoni një tjetër gotë ujë për të arritur konsistencën e duhur të supës.
Shtoni gjalpin bimor nëse dëshironi dhe shërbejeni me qepët e njoma të prera.
Lini një koment