Studimi: Proteinat në gjak mund të paralajmërojnë për kancerin 7 vite para
Një studim i financuar nga “Cancer Research UK” i botuar në “Nature Communications” zbulon se proteinat në gjak mund t’i paralajmërojnë njerëzit për kancerin më shumë se 7 vite para se të diagnostikoheshin zyrtarisht nga mjekët.
Shkencëtarët në Universitetin e Oksfordit studiuan mostrat e gjakut nga më shumë se 44,000 njerëz në Biobank në Mbretërinë e Bashkuar, nga ku mbi 4,900 njerëz zbuluan që kishin kancer.
Ata krahasuan proteinat e njerëzve që u diagnostikuan dhe nuk u diagnostikuan me kancer dhe identifikuan 618 proteina të lidhura me 19 lloje kanceri, duke përfshirë atë të zorrës së trashë, mushkërisë dhe mëlçisë.
Ekspertët gjetën gjithashtu 107 proteina të lidhura me kancerin, 7 vite para se të diagnostifikoheshin. Ata arritën në përfundimin se disa nga këto proteina mund të përdoren për të zbuluar kancerin shumë më herët dhe të ofrojnë mundësi të reja trajtimi. Por theksuan se për të dalë në përfundime më korrekte, duhet që të vazhdojnë kërkimet.
Një studim i dytë i lidhur që hulumtoi të dhënat gjenetike nga më shumë se 300,000 raste kanceri zbuloi 40 proteina në gjak që ndikuan në rrezikun për t’u diagnostikuar me 9 lloje kanceri.
Ndryshimi i këtyre proteinave mund të rrisë ose zvogëlojë shanset që dikush të zhvillojë kancer, në disa raste kjo mund të çojë në efekte anësore të padëshiruara.
E ke tepruar me kripën në supë, gjellë apo salcë? Mos u shqetëso, ka zgjidhje: 1️⃣ Shto një patate – Qëroje dhe hidhe në gatim. Ajo thith një pjesë të kripës. Hiqe përpara se ta shërbesh. 2️⃣ Shto pak...
Nëse do të shtrydhësh limonin dhe s’dëshiron të humbasësh asnjë pikë: 1️⃣ Rrotulloje mbi tavolinë duke e shtypur lehtë me pëllëmbën e dorës – kjo zbut fibrat dhe e ndihmon të lëshojë më shumë lëng. 2️⃣ Vendose në mikrovalë...
Për të rriturit që vuajnë nga intoleranca ndaj laktozës, konsumimi i qumështit të fermentuar mund të eliminojë ose të zvogëlojë ndjeshëm simptomat e këtij problemi. Studiuesit besojnë se mikroorganizmat e pranishëm në këtë produkt të fermentuar – i njohur...
Lini një koment