Si të bëjmë petanik?

Karakteristika e këtij gatimi është pjekja në saç, pasi merr shijen më të mirë dhe aromën e drurit. Por në pamundësi të saçit që jo të gjithë e kanë në shtëpi, ne po ju sjellim recetën e petanikut në furrë.

Përgatitja:

• Në një tas të madh rrahim vezët, kripën, qumështin dhe miellin e situr fillimisht.
• Shtojmë pak e nga pak ujë të vakët aq sa brumi të jetë i hollë si një brum petullash.
• Marrim tavën e lyer me gjalp dhe me një garuzhde gjelle shtojmë një rradhë brumë, e lyejmë sipër me vaj dhe e lemë të piqet në 180 gradë aq sa të ketë marrë ngjyrën e artë.
• E nxjerrim tavën siç është e nxehtë dhe shtojmë përsëri një rradhë brumë dhe e vendosim përsëri në furrë.
• Të njëjtën gjë bëjmë derisa të mbarojë totalisht brumi. E lemë të kullojë për 20 minuta me furrën e fikur në nxehtësinë e furrës dhe më pas e presim.
• Shoqërohet me domate fshati dhe dhallë të freskët.