Sugjerojmë:
Një recetë e rafinuar për të përgatitur në shtëpi një sallatë të pasur, të shijshme, të veçantë, me pak përbërës, por të pasur me shumë benefite për shëndetin, minerale e vitamina: portokaj, lakër e bajame. Le të shohim si ta përgatisim këtë sallatë krokante në tigan, të përshtatshme për gjithë familjen: vegane dhe pa gluten. E veçanta e kësaj recete është në salcën e portokallit dhe në gatimin e lakrës në tigan.
Lani me kujdes lakrën dhe priteni në fije të holla.
Në një tigan, nxehni një lugë vaj dhe skuqni hudhrën.
Shtoni lakrën e prerë në shirita dhe kaurdiseni për pak minuta.
Ndërsa lakra gatuhet në zjarr të ulët, qëroni 3 portokaj dhe pritini në kube për të realizuar salcën.
Në një tas shtrydhni lëngun e portokallit të katërt dhe përziejeni me 5 lugë vaj ulliri, kripë e piper.
Këtë përzierje shtojeni tek lakra që po gatuhet në tigan së bashku me portokajt e prerë në kubikë dhe lërini për pak minuta të marrin shije në nxehtësi të lartë.
Kompletojeni sallatën me bajamet dhe servireni të ngrohtë.
Lini një koment