Sallatë frutash të freskëta me arra, një recetë për çdo orë të ditës
E shëndetshme dhe shumë e shijshme, sallata me fruta ose macedonia siç quhet ndryshe, është ideale për të bindur fëmijët të hanë fruta dhe mund të shërbehet si një ëmbëlsirë e shijshme pas një vakti. Gjithashtu është një mënyrë për ta nisur ditën me vitamina, kripëra minerale dhe shumë energji.
Thelpinjtë e arrave, përveç vitaminës E dhe acideve yndyrore omega 3 i japin shumë shije.
Përbërësit (për 4 persona)
200 gr ananas i pastruar
100 gr pjeshkë
100 gr rrush
100 gr kumbulla të kuqe
100 gr kumbulla vjollcë
Një grusht boronica të kuqe të thata
Një grusht thelpinj arrash
1 gotë e vogël Limoncello
4 lugë gjelle sheqer
Si fillim vendosni boronicat të zbuten në ujë dhe lërini për gjysmë ore.
Ndërkohë përgatisni sallatën. Prisni në copa ananasin e freskët të pastruar.
Lani dhe thani frutat. Hiquni bërthamat kumbullave, pritini në copa e bashkojani ananasit.
Shtoni pjeshkat të cilave u keni hequr bërthamën e i keni prerë në copa.
Në fund shtoni kokrrat e rrushit të prera në feta rrethore të cilave u keni hequr farat.
Shtoni thelpinjtë e arrave të prera përgjysmë.
Spërkatini me sheqer
Shtoni boronicat bashkë me ujin e tyre
Shtoni limoncellon. Përziejini frutat me kujdes, mbulojeni enën me kapak dhe lëreni për të paktën dy orë.
Në momentin e servirjes, përziejini mirë, por me delikatesë.
Shpërndajeni sallatën e frutave nëpër kupa qelqi, dekorojini me gjysmë thelpi arre ose një arrë të tërë dhe shërbejini.
Ziejini patatet me lëkurë derisa të zbuten. Qërojini dhe shtypini mirë në një enë. Shtoni djathin e grirë, vezën, bukën e bluajtur, kripën, piperin dhe majdanozin. Përziejeni masën derisa të krijohet një brumë i trashë që formohet lehtë me...
1️⃣ Ziej patatet, qëroji dhe shtypi derisa të bëhen pure. 2️⃣ Shto djathin, vezën, bukën e grirë, kripën dhe piperin. Përziej derisa të formohet një masë homogjene. 3️⃣ Merr nga masa dhe formo kroketat në formë cilindrike ose ovale....
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Lini një koment