Patatina me erëza. Receta për t’i bërë në shtëpi, bashkë me fëmijët
Krokante dhe të shijshme, shumë të dashura nga të vegjëlit dhe të rriturit, patatinat janë të shpejta e të thjeshta në përgatitje, përveçse ideale nëse keni dëshirë të organizoni një aperitiv në shtëpi bashkë me miqtë. Kësaj here le t’i lëmë qeset e patatinave në raftet e supermarketit dhe le t’i përgatisim ato vetë, bashkë me fëmijët.
Përbërësit:
5 patate
Kripë (sipas shijes)
Vaj për skuqje
Përgatitja:
Qëroni dhe lani patatet, thajini dhe më pas pritini në feta shumë të holla duke përdorur një prerëse. Për të qenë sa më krokante, është shumë e rëndësishme që patatet të priten shumë hollë.
Nxehni vajin në një tigan dhe më pas, pak nga pak, vendosni fetat e patateve, skuqini dhe më pas, sapo të marrin ngjyrë të artë, hiqini nga vaji dhe vendosini në një pjatë ku keni shtruar letër kuzhine.
Hidhuni kripë patatinave.
Në rast se nuk doni t’i skuqni, mund t’i piqni patatinat në furrë. Në këtë rast, vendosini fetat e patateve mbi një tepsi të mbuluar me letër furre dhe t’i piqni në furrë derisa të marrin ngjyrë të artë. Para se t’i piqni në furrë, hidhuni kripë.
*Këshillë
Sipas shijes, aromatizojini patatinat me piper ose rozmarinë. Nëse vendosni t’i piqni në furrë, aromatizojini gjatë pjekjes, kurse në rast se i skuqni, aromatizojini pas skuqjes.
Shtyp bananen me pirun derisa të bëhet krem. Shto tërshërën, vajin/gjalpin dhe kanellën (nëse do). Përzieji mirë derisa të krijohet një masë homogjene. Me duar të lagura formo toptha ose shtypi si biskota të vogla. Vendosi në një tavë...
Peshku është shumë i rëndësishëm për dietën e vogëlushit tuaj sepse është i pasur me omega 3, një yndyrë që ndihmon në zhvillimin e trurit. Për këtë arsye është e rëndësishme të gjeni mënyrën më të mirë për t’ja...
Rizoto me kungull të verdhë është një pjatë e ëmbël dhe e pasur me vitamina A dhe C (si dhe fibra), kështu që është një ushqim që fëmijët e vegjël kanë tendencë ta shijojnë. Ngrohni furrën në 190 gradë...
Lini një koment