Qofte me perime dhe gjizë
Lani perimet në ujë të bollshëm. Më pas qërojini më kujdes lëkurën dhe filloni t’i prisni në copa të vogla rrethore. Mund edhe t’i grini me rende për të shkurtuar akoma dhe më shumë kohën e përgatitjes. Vini në...
Pasta me ton dhe bizele
Pastat me ton dhe bizele janë një pjatë e parë e shpejtë e cila do t’i pëlqejë gjithë familjes. Është një pjatë që bashkon pastat me ton dhe ato me hudhër, vaj e spec dhe shpëtimtare për darkën tuaj.
Ingredientët
- 320 gr spaghetti ose linguini
- 130 gr ton i konservuar në vaj dhe i kulluar
- 170 gr bizele
- 180 gr domate qershi
- 1 thelpi hudhër
- Pak borzilok
- Kripë e imët
- Vaj ulliri
- Piper i zi
Udhëzimet
1
Vendosni një tenxhere me ujë për të zier pastat. Hidhini kripë. Lani domatet dhe pritini përgjysmë. Në një tigan ngrohni vajin, shtoni hudhrën e qëruar dhe kaurdisini pak.
2
Shtoni më pas domatet dhe pasi të kenë lëshuar lëngun e tyre, shtoni bizelet. Lërini për 5 minuta të gatuhen. Shtoni borzilokun e copëtuar me duar dhe gatuajini në zjarr të ulët edhe për 5 minuta të tjera.
3
Ndërkohë hidhni pastat në ujë, gatuajini ‘al dente’, pra 3 minuta më pak se koha e shkruar në paketim. Hidhini kripë e piper salcës që po përgatisni dhe pasi të kenë kaluar 5 minuta, hiqni hudhrën dhe shtoni tonin të cilin e keni kulluar.
4
Lëreni salcën edhe për dy minuta. Nëse thahet shumë, shtoni pak nga lëngu i zierjes së pastave. Kullojini pastat, shtojini tek tigani i salcës, shtoni dhe pak kripë dhe hiqini nga zjarri. Shërbejini me pak piper.
Lini një koment