Sugjerojmë:
Mos i hidhni bananet e mbetura: me këtë recetë do të zbuloni një mënyrë të mrekullueshme për të mbyllur darkën ose për një vakt të vogël pasdite. Në listën e frutave që çohen më tepër dëm në shtëpitë tona, në vendet e para janë dhe bananet. Arsyeja lidhe me faktin që ato piqen shumë shpejt, fillojnë errësohen dhe ne i hedhim në plehra. Për të evituar këtë shpërdorim dhe për t’u zbavitur në kuzhinë me receta unike, tradicionale, por edhe me dozat e duhura të inovacionit, ato mund t’i shndërroni në një akullore të shijshme.
Qëroni bananet, pritini në feta dhe vendosini në një tas. Transferojini në format e akullit, vendosini në ngrirje dhe lërini për të paktën 6 orë. Kur të jeni gati për të përgatitur akulloren, hiqini bananet nga ngrirja dhe lërini në temperaturën e ambientit për 5 minuta.
Vendosini copat e bananes në një robot kuzhine dhe punojini për një ose dy minuta derisa të merrni një masë kremoze e homogjene. Nëse doni të ndryshoni nga receta klasike, shtoni boronicat ose frutat e pyllit të ngrira ose hurmat arabe apo gjalpin e bajameve dhe vazhdoni frulimin përsëri.
*Këshillë
Shërbejeni akulloren e bananes duke i spërkatur kakao pluhur, me çokollatë fondente të shkrirë për të imituar ‘bana split’, thërrime lajthish ose luleshtrydhe të prera në feta.
Në robotin e kuzhinës shtoni edhe pak lëng limoni ose xhinxher. E bëjnë akulloren më të shijshme.
Lini një koment