Kofsha pule të marinuara në uthull balsamike dhe mjaltë me patate baby

Ngroheni furrën në220°. Në një tas të madh, bëni bashkë uthullëm balsamike, mjaltin, mustardën dhe

hudhrat dhe i rregullojmë me kripë dhe piper. Rrihni derisa të formohet një masë. Shtoni kofshët e pulës dhe përziejini derisa të mbulohen plotësisht. Vendoseni në frigorifer për t’u marinuar, të paktën 20 minuta deri në 1 orë.

Ndërkohë, përgatisni patatet: Në një enë mesatare shtoni patatet dhe rozmarinën e grirë dhe i rregulloni me kripë dhe piper. Shtoni 1 lugë vaj dhe përziejini derisa të bashkohen. Lërini mënjanë.

Në një tigan të madh të përshtatshëm dhe për furrë, mbi nxehtësinë mesatare-të lartë, ngrohni lugën e mbetur të vajit. Shtoni pulën dhe skuqeni, me anën e lëkurës poshtë, 2 minuta, më pas rrokulliseni dhe skuqeni edhe 2 minuta. Shtoni patatet, duke i vendosur në mes të pulës dhe sipër me degë rozmarine.

Transferojeni në furrë dhe piqeni derisa patatet të zbuten dhe pula të jetë gatuar, 20 minuta. (Nëse patatet kanë nevojë për më shumë kohë për t’u gatuar, transferojeni pulën në një dërrasë prerëse për të pushuar dhe vazhdoni të gatuani patatet derisa të zbuten.)

Shërbejeni pulën dhe patatet me lëngjet nga tigani.