Kek me mollë dhe rrush të thatë. Receta nga shef Renato
Kek me mollë dhe rrush të thatë
Koha e përgatitjes: 30 minuta –Koha e gatimit: 1 orë
Shoqëroni kafen e mëngjesit apo çajin e pasdites me kekun e mbushur me mollë dhe rrush të thatë. Receta është marrë nga faqja zyrtare e shef Renato Mekollit ku gjen një larmishmëri pjatash të shijshme e të kuruara deri në detaj. Shijojeni!
Ingredientët
200 gr miell me fryrës për kek
100 gr sheqer
200 ml qumësht
50 gr rrush të thatë
50 gr lajthi
2 vezë
1 mollë e verdhë
2 lugë kanellë
1/2 bustinë pluhur pjekës
1 bishtajë vanilje
1 lëkurë portokalli
Sheqer pluhur
Udhëzimet
1
Në fillim vendosim rrushin e thatë në një enë të vogël me ujë të ftohtë, që të zbutet. Më pas, në një tas të madh, rrahim me mikser të verdhat e vezëve së bashku me sheqerin, vaniljen, kanellën dhe lëkurën e portokallit të kaluar në rénde, derisa të formohet një masë kremoze.
2
Shtojmë me radhë qumështin, miellin, pluhurin pjekës, gjalpin dhe vazhdojmë përzierjen në mikser, derisa masa të njëtrajtësohet.
3
Rrahim veç të bardhat e vezëve dhe i përziejmë me kujdes me një lugë në brumin që përgatitëm më parë. Në fund shtojmë edhe rrushin e thatë, lajthitë dhe mollën e prerë në kube.
4
E përziejmë mirë masën dhe e vendosim në një tavë keku 25x25 cm, të cilën e kemi lyer fillimisht me gjalpë dhe miell.
5
E pjekim në furrë të ngrohur më parë, për 45 minuta në temperaturë 170 gradë. Përpara se ta shërbejmë, e lëmë të paktën 30 minuta që të kullojë dhe të ftohet.
1️⃣ Ziej patatet, qëroji dhe shtypi derisa të bëhen pure. 2️⃣ Shto djathin, vezën, bukën e grirë, kripën dhe piperin. Përziej derisa të formohet një masë homogjene. 3️⃣ Merr nga masa dhe formo kroketat në formë cilindrike ose ovale....
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
1️⃣ Në një tenxhere, ngrohni vajin dhe skuqni qepën dhe hudhrën për 2-3 minuta. 2️⃣ Shtoni karrotat, patatet dhe salcën e domates. Përziejini dhe lërini të marrin aromë. 3️⃣ Shtoni thjerrëzat, kripën, piperin dhe qimnonin. Hidhni ujin ose lëngun...
Lini një koment