Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Sapo kanë kaluar Pashkët dhe një nga traditat e kësaj feste është shkëmbimi i vezëve të lyera. Nëse në shtëpi u është mbledhur një shportë me vezë të ziera, nuk ka pse t’i hidhni dhe as t’i lini në një cep të rafteve të kuzhinës kur me to mund të eksperimentohen receta të shijshme. Një prej tyre janë vezët monachina:
Përbërësit:
- 6 vezë
- Për beshamelin
- 250 gr qumësht në temperaturën e ambientit
- 50 gr miell 00
- 50 gr parmixhano i grirë
- 45 gr gjalpë
- 1 lugë kafeje kripë e imët
- 1 lugë kafeje piper i zi
Për mbështjelljen:
- 100 gr bukë e thekur e grirë
- 50 gr miell 00
- 2 vezë
- Vaj për skuqje
Përgatitja:
- Përgatisni beshamelin. Shkrini gjalpin në zjarr të ulët në një tigan, më pas shtoni miellin dhe përziejini me një rrahëse vezësh për të mos formuar kokrriza. Kur mielli të ketë arritur një ngjyrë të artë, shtoni qumështin dhe vazhdoni ta përzieni derisa të krijoni një përbërje të trashë.
- Sapo të jetë gati, hiqeni nga zjarri dhe jepini shije beshamelit me kripë, piper e parmixhan, duke përzier gjithçka.
- Qëroni vezët e ziera, ndajini përgjysmë, hiquni të verdhat dhe shtypini këto të fundit me një spatul. Më pas tek të verdhat e vezëve të shtypura shtoni beshamelin, përziejini mirë në mënyrë që të përftoni një përbërje homogjene.
- Më pas, mbushini vezët me përbërjen e krijuar dhe mbyllini përsëri në formën e vezëve normale duke formuar përsëri 6 vezë të plota.
- Kalojini vezët e mbushura në miell, më pas në vezën e rrahur dhe në fund tek buka e thekur e grirë. Nxehni vajin në temperaturë 160 gradë dhe skuqini vezët për gati 1 minutë derisa të marrin ngjyrë të artë, më pas transferojini në një letër kuzhine për t’u thithur vajin e tepërt. Vezët tuaja monachina janë gati për t’u shërbyer.
Çfarë tjetër mund të bëni me vezët e ziera të Pashkëve?
Lini një koment