Biskota-akullore të bëra në shtëpi

Akullorja është një prej vakteve më të preferuara për fëmijët. Një rast i shkëlqyer për t’ua përgatitur vetë dhe për të kaluar disa orë argëtuese me ta. Një vakt freskues, perfekte për pasditet e verës dhe i shëndetshëm, pasi është përgatitur në shtëpi duke zgjedhur produkte të freskëta.

Përbërësit për 10 biskota:

• 250 gr miell
• 100 gr sheqer
• 100 gr gjalpë
• 1 vezë
• Copëza çokollate
• 10 gr kakao e hidhur pluhur
• Një lugë kafeje sodë buke
• Fruta të thata (jo të kripura)

Përgatitja:

• Në një enë përzieni miellin, sheqerin, vezën dhe gjalpin e zbutur. Shtoni dhe kakaon e sodën dhe përziejini derisa të përftoni një brumë të butë dhe homogjen.
• Mbështilleni brumin me qese kuzhine dhe lëreni në frigorifer për 30 minuta. Ndërkohë përgatisni akulloren: limon, banane, ananas.
• Merrni brumin dhe shtoni një pjesë të frutave të thata dhe një pjesë të copëzave të çokollatës. Hapeni brumin mbi një letër furre në trashësi 0.5 cm dhe më pas prisni biskotat në formë rrrë rrethore me anë të një prerëseje ose filxhani.
• Vendosini në një tepsi dhe piqini në 180 gradë për 20 minuta.
• Sapo të jenë ftohur biskotat, mbushini me akullore në brendësi dhe më pas rrotullojini tek frutat e thata ose copëzat e çokollatës.