Petulla të kripura me rikota dhe lulelakër: një pjatë e shëndetshme që u pëlqen edhe të vegjëlve

Petullat e kripura me rikota dhe lulelakër janë të shijshme e të shëndetshme, të thjeshta për t’u përgatitur dhe për të përdorur perimet e mbetura.

Me këtë pjatë do të surprizoni miqtë tuaja dhe do të bindni fëmijët të hanë lulelakrën, një ushqim i shëndetshëm dhe i shijshëm, i rëndësishëm për rritjen dhe shëndetin e tyre. Është një recetë e volitshme që mund të përgatitet edhe me spinaq.

Shërbejini si antipastë ose pjatë e dytë:

Përbërësit:

• 2 vezë
• 150 gr miell
• 100 gr rikota
• 200 gr lulelakër e zier
• 100 ml qumësht
• 100 gr rikota
• Kripë dhe piper

Përgatitja:

1. Zieni lulelakrën në ujë të kripur dhe ndërsa e zieni, përgatisni pastelin duke rrahur të bardhat e vezëve dhe lërini mënjanë.
2. Përzieni rikotën me të verdhat e vezëve në një tas, shtoni edhe miellin e qumështin dhe përziejini derisa të merrni një përbërje homogjene pa kokrra. Shtojini kripë e piper sipas shijes suaj.
3. Shtypeni lehtësisht lulelakrën e zier me pirun, shtoni edhe masën e qumështit me rikota e vezë e në fund shtoni të bardhat e rrahura të vezëve dhe përziejini me kujdes në mënyrë që të përzihen mirë përbërësit.
4. Shtoni një lugë vaj në një tigan, skuqini petullat e krijuara me dorë në të dy anët dhe shërbejini.