Sugjerojmë:
Një pjatë e parë e thjeshtë dhe kremoze, supa me perime është shumë e shijshme dhe delikate, ideale për vaktin e darkës së çdo dite. Është e thjeshtë për t’u përgatitur dhe në harmoni me ëmbëlsinë e karotave.
Qëroni karotat dhe patatet, lajini dhe pritini në copa. Eliminoni gjethet e jashtme të preshve dhe hiquni pjesën jeshile, lajini dhe pritini në feta. Qëroni copën e xhinxherit, grijeni dhe lani një tufë bar qepe. Pritini imët më pas.
Në një tenxhere zieni 1 l brodo perimesh, shtoni perimet dhe lërini për 20 minuta, më pas shtoni xhinxherin, përziejini mirë, hiqini nga zjarri dhe frulojini derisa të merrni një krem të shijshëm. Shtojini kripë.
Vendosni në zjarr një tenxhere me ujë të kripur dhe zieni aty orizin sipas kohës së treguar në paketim. Kullojeni dhe përziejeni me pak gjalpë dhe barin e qepës.
Vendoseni supën krem të karotave në piata, shërbejeni duke u vendosur orizin në qendër dhe hidhuni pak piper.
Lini një koment