Një recetë që vjen nga Toskana, pudingu i orizit, një përbërje kremoze dhe perfekte për ditët e verës, është një alternativë e mirë krahasuar me ëmbëlsirat e paketuara që shpesh u japim fëmijëve. Me aromë të mirë dhe intensive, pudingu i orizit është i thjeshtë dhe i shpejtë për t’u përgatitur edhe kur kemi pak kohë për t’iu përkushtuar kuzhinës. Nëse jeni veganë, mund ta përgatisni edhe me qumësht vegjetal.
Përbërësit:
250 gr oriz integral
500 ml qumësht
100 gr rrush i thatë
2 lugë gjelle mjaltë
50 gr gjalpë
2 lugë stika pishe
Pak kripë
Vaj ulliri e.v
Kanellë pluhur
Përgatitja:
Lani orizin integral dhe vendoseni të ziejë në një tenxhere me 500 ml qumësht dhe 500 ml ujë.
Ziejeni për 30 minuta.
Vendosni rrushin e thatë të zbutet në një gotë me ujë.
Kur orizi të jetë zier, hiqeni nga zjarri, shtoni rrushin e thatë të zbutur të cilit i keni kulluar ujin, stikat e pishës, gjalpin dhe kripën.
Përziejini mirë dhe shtoni mjaltin.
Vazhdoni përzierjen derisa të përbërësit të homogjenizohen.
Merrni format e budingut dhe lyejini me vaj ulliri. Shtoni në to budingun.
Lërini të ftohen në temperaturë ambienti dhe më pas lërini në frigorifer për dy orë. Para se t’i shërbeni, spërkatini me kanellë.
1️⃣ Përgatitja e brumit Në një tas, përzieni vezët me Nutellën derisa të krijohet një masë homogjene. Shtoni miellin, pluhurin pjekës dhe kripën, duke e përzier ngadalë derisa të lidhen të gjitha përbërësit. 2️⃣ Pjekja Hidheni brumin në një...
1️⃣ Përzierja e përbërësve Qëroni bananen dhe hiqni tulin e avokados. Vendosini në një tas ose në një blender të vogël. 2️⃣ Blenderimi Shtoni qumështin e gjirit ose formulën nëse dëshironi një teksturë më të butë. Përdorni një pirun...
1️⃣ Përzierja e përbërësve Vendosni të gjithë përbërësit në një blender të fuqishëm. 2️⃣ Blenderimi Përziejini për 1-2 minuta derisa të krijohet një masë kremoze dhe homogjene. 3️⃣ Shërbimi Hidheni në një gotë të madhe dhe shijojeni menjëherë! 🔹...
Lini një koment