Carbonara me perime

Vendosni ujin e pastave të ziejë. Lani dhe thani perimet. Pasi të keni hequr pjesën e drunjtë të asparagëve, qërojini me një qëruese ose një thikë dhe pritini majat në formë shiritash për së gjati.

Qëroni karotat dhe pritini në shirita të hollë për së gjati, ashtu si asparagët. Të njëjtën gjë bëni edhe me mashurkat. Pastaj qëroni bizelet nga bishtajat. Ndërkohë hidhni pastat në ujin që po vlon.

Vendosni në zjarr një tigan me pak dhe një thelpi hudhre të shtypur. Pas disa momentesh, hidhni asparagët dhe kaurdisini për 2 minuta në zjarr të lartë.

Më pas shtoni mashkurat dhe lërini për 3 minuta. Nëse perimet janë të thata, shtoni një garuzhde nga uji i zierjes së pastave dhe shtoni karotat në tigan.

Në fund shtoni bizelet. Shtoni kripë e piper dhe lërini për 6-7 minuta të marrin shije. Në këtë pikë, edhe pastat janë gati. Në një tas shtoni të verdhat e vezës bashkë me parmixhanon e grirë.

Përziejini mirë me një rrahëse. Hiqni hudhrën nga perimet, më pas kulloni pastat pa e hedhur ujin dhe shtojini tek perimet. Hidhuni kripë, më pas fikni zjarrin, shtoni të verdhat e vezëve me parmixhanon dhe tek ena ku ishin të verdhat shtoni pak nga uji i zierjes së pastave.

Shtojeni në tigan për të rregulluar densitetin e kremit dhe përzieni mirë gjithccka. Spërkatini edhe njëherë me piper dhe carbonara-t tuaja janë gati.