Kërpudha të mbushura vegjetariane

Parangrohni furrën në 200 gradë së bashku me tavën brenda.

Ndërkohë në një tigan me pak vaj ulliri skuqni qepën, hudhrat për gati 5 minuta. Shtoni trumzën, arrat, i lini 1 minutë dhe më pas i lini mënjanë.

Ndërkohë në një tas kombinoni qiqrat (e gatshme) djathin, majdanozin, kripën, piperin.

I përzieni me një mikser derisa qiqrat të shtypen mirë.

Merrni kërpudhat,i pastroni mirë dhe i radhisni njëra pas tjetrës në një tavë.

Përzieni mirë të dy masat që përgatitët pak më parë.

Filloni e mbushni me të kërpudhat. Në sipërfaqe i shtoni secilës pak djathë parmigiano.

I lini në furrë për 15 minuta dhe shijojini të ngrohta!