Tartë me domate dhe qepë të karamelizuara

Parangrohni furrën në 200 gradë celsius.

Në një tigan skuqni gjalpin me qepët në nxehtësi mesatare. I përzieni vazhdimisht deria gjalpi të shkrijë plotësisht.

Shtoni sheqerin dhe vazhdoni t’i përzieni derisa qepët të karamelizohen për gati 20 minuta.

Tani shtoni hudhrën, trumzën, rozmarinën dhe vazhdoni t’i përzieni. Kalojeni masën në një tas.

Ndërkohë në një mikser rrihni për disa sekonda djathin e dhisë, vezën, kripën dhe piperin.

Shtojeni më pas aty ku kishit qepët e karamelizuara.

Tavolinën e punës e lyeni me pak miell dhe hapni në të petën sfoliatë. I mblidhni anët me kujdes në formë gërsheti.

Në qendër e mbushni me masën që përgatitët. Sipër i vendosni fetat e domateve sikurse i shikoni në foto.

E fusni tartën në furrë të piqet për 25 minuta. Sapo të marrë një ngjyrë kafe në të artë e hiqni dhe e lini të ftohet 10 minuta para se ta shijoni!