Supë me kungull dhe qumësht

Kjo është një pjatë me të cilën mund të përkëdhelni pak veten pas një dite të lodhshme e të gjatë. Është e ngrohtë, e shijshme dhe shumë komode.

• 700 gr kungull i verdhë i pastruar
• 700 ml qumësht
• 250 gr makarona supe në formën që dëshironi
• Pak koncnetrat perimesh pluhur
• Pak djathë parmixhano i grirë
• Vaj ulliri e.v

Përgatitja:

• Venosni një tenxhere me ujë të ziejë. Sapo të marrë valë, shtoni kungullin dhe pak kripë. Ziejeni kungullin rreth 10 minuta, derisa të zbutet.
• Ndërkohë, në një tenxhere tjetër shtoni qumështin dhe aromatizojeni me pak koncentrat pluhur. Sapo kungulli të jetë zier, kullojeni dhe frulojeni në mikser derisa të bëhet pure.
• Më pas purenë shtojeni në tenxheren me qumësht dhe lëreni të ziejë duke e përzier herë pas here. Kur të ketë zier, shtoni makaronat e supës dhe vazhdoni ta përzieni shpesh.
• Kur makaronat të kenë zier, hiqeni supën nga zjarri, shtojini parmixhanon e grirë, pak vaj ulliri dhe shërbejeni.