Si të përgatisni pulë me thërrime

Përgatisim në fillim pulën. Pula pastrohet dhe ndahet në thela.

Pasi e kami larë marrim një qepë mesatare, e grijmë dhe e hedhim në një tenxhere, bashkë me 1 lugë gjelle gjalpë.

I lemë në zjarr normal derisa të marrë ngjyrë floriri.

Hedhim copat e pulës dhe i trazojmë.

Hedhim kripën dhe ujin dhe e lemë pulën të ziejë.

E heqim nga zjarri dhe i largojmë thelat e pulës në një tas.

Përgatitja e thërrimeve: Merret mielli, hidhen vezët dhe kripa e përzihen bashkë me dorë, derisa të bëhen kokrriza. Këto quhen thërrime.

Hidhet gjalpi në tigan, hidhen dhe thërrimet.

I hedhim dhe dy thelpinj hudhër të grirë dhe e trazojmë. Trazohen derisa të marrin ngjyrë të kuqërremtë.

I heqim thërrimet nga zjarri.

Hedhim thërrimet e përgatitura në lëngun e pulës dhe i lemë të ziejnë në tenxhere për 5-6 minuta.

I heqim nga zjarri dhe i shpërndajmë në pjata. Sipër, mund t’i hedhim lëng limoni dhe gjalpë, sipas dëshirës. Lëngun me thërrime e shërbejmë bashkë me thelat e pulës.