Sugjerojmë:
Perimet e mbushura dhe të pjekura në furrë janë një pjatë e dytë shumë e shijshme dhe ideale për të gjitha rastet. Qepët e mbushura me mortadela dhe arra janë të thjeshta për t’u përgatitur dhe me pak përbërës mund të keni në tryezë një pjatë ekonomike, por shumë të shijshme.
Qëroni qepët dhe ziejini për 10 minuta në ujë me kripë. Kullojini dhe lërini të ftohen. Pritini përgjysmë për së gjati, hiquni pjesën qendrore dhe lërini mënjanë.
Fusni arrat në ujë valë për 1 minutë, kullojini dhe hiquni cipën. Në mikser përzieni pjesën e brendshme të qepëve, sallamin e prerë në copa, arrat e qëruara nga cipa, djathin granda padano, vezën, pak kripë dhe gjysmën e galetës.
Me këtë mbushje që përgatitët, mbushni gjysmat e qepëve dhe vendosini në një tepsi ku keni shtruar letër furre të cilën e keni lagur dhe shtrydhur më parë.
Spërkatini qepët e mbushura me galetën e mbetur dhe grijuni sipër disa copëza gjalpi, shtoni 1 dl ujë në tepsi dhe piqini në furrë të nxehur në 180 gradë për 40 minuta.
Lini një koment